Jambyl oblysynda halyqtyń 22 paıyzy medıtsınalyq saqtandyrý júıesimen qamtylmaǵan

Jambyl oblysynda halyqtyń 22 paıyzy medıtsınalyq saqtandyrý júıesimen qamtylmaǵan. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi. 

«Óńirde halyqtyń 22 paıyzy mindetti áleýmettik medıtsınalyq saqtandyrý júıesimen qamtylmaǵan. ıAǵnı, osynshama adam qoljetimdi medıtsınalyq kómekke muqtaj degen sóz. Máseleni sheshý úshin qandaı jumystar júrgizilýde?», - dep surady Úkimet basshysy Jambyl oblysynyń ákimi Erbol Qarashókeevten.

Óńir ákiminiń dereginshe, oblysta 1 mln 222 myń adam turady. Onyń mindetti medıtsınalyq saqtandyrýmen qamtylǵany – 946 myń adam. Bul – 78 paıyz. Mindetti medıtsınalyq saqtandyrýmen 276 myń nemese halyqtyń 22 paıyzy qamtylmaǵan.

«Oblystaǵy halyqty medıtsınalyq saqtandyrýmen qamtý boıynsha is-sharalar josparyn bekittik. Іske asyrylyp jatyr. Arnaıy vedomstvoaralyq jumysshy toby óńirlik deńgeıde, qala ne aýdan, aýyldyq okrýg ókilderimen qurylyp, jumys istep jatyr. Ótken jyldyń 8 aıymen salystyrǵanda mindetti áleýmettik medıtsınalyq saqtandyrýmen qamtý deńgeıi 2 paıyzǵa artyp, 23 myń adamǵa ósti. Oń dınamıka bar. Jumysty jalǵastyrýdamyz. Sonymen qatar oblysta 389 densaýlyq saqtaý nysany qyzmet kórsetedi. Bıyl 3,7 mlrd teńgege 20 densaýlyq saqtaý nysanynyń qurylysy, 1,4 mlrd teńgege 10 nysanǵa kúrdeli jóndeý jumysy júrgizilip jatyr. Jyl sońyna deıin 18 nysandy aıaqtaýdy josparlap otyrmyz. Búginde 5 nysan paıdalanýǵa berildi. Nátıjesinde densaýlyq saqtaý nysandarynyń tozý kórsetkishin 52 paıyzdan 36,7 paıyzǵa deıin tómendetý josparda bar», - dedi Erbol Qarashókeev.

Onyń atap ótýinshe, mindetti áleýmettik medıtsınalyq saqtandyrylmaǵan 276 myń turǵynnyń 47,4 myńy jarnany turaqsyz tóleýshi sanalady.