Jambyl oblysynda gazǵa baı shógindi tabyldy

ASTANA. KAZINFORM – «QazaqGaz» ulttyq kompanııasy» aktsıonerlik qoǵamynyń basqarma tóraǵasy Álibek Jamaýov Jambyl oblysynda taǵy bir áleýetti gaz kenishin barlaý jumystaryna daıyndaq bastalǵanyn málim etti.

- Geologııalyq barlaý jumystarynyń nátıjesinde Jambyl oblysynyń Maldybaı ýchaskesinde gaz shógindisi bar ekenin dáleldendi. Qazir seısmıkalyq barlaý jumystaryna daıyndyq júrip jatyr, - dedi Álibek Jamaýov «Samuryq-Qazyna» qory qoǵamdyq keńesiniń otyrysynda.

Sondaı-aq, ol atalǵan oblystaǵy Anabaı ýchaskesine de toqtaldy.

- Jambyl oblysynyń Anabaı ken ornynda jumys jalǵasyp jatyr. Gaz sapasyn baǵalaýǵa arnalǵan 1 uńǵyma, paıdalanýǵa arnalǵan 3 uńǵyma burǵylandy. Dáleldengen gaz qory – 3,2 mlrd tekshe metr, - dedi ulttyq kompanııa basshysy.

Buǵan deıin Qostanaı oblysynyń gaz quıý stansalarynda uzyn-sonar kezek paıda bolǵanyn jazǵan edik.