Jambyl oblysynda feldsher oq jaraqatyn aldy

ASTANA. KAZINFORM – Jambyl oblysynda medıtsına qyzmetkerin keýdesinen jaraqattady. Atalǵan jaıt boıynsha qylmystyq is qozǵaldy. Bul aqparatty óńirdiń polıtsııa departamentiniń baspasóz qyzmeti rastady.

- Qazir jan-jaqty jáne obektıvti tergep-tekserýdi qamtamasyz etýge baǵyttalǵan qajetti tergeý jáne jedel-izdestirý is-sharasy júrip jatyr. Onyń nátıjeleri boıynsha naqty protsessýaldyq sheshim qabyldanady, - degen habar aldyq polıtsııadan.

Sondaı-aq Qylmystyq-protsestik kodekstiń 201-babyna sáıkes, ózge málimet tergeý múddesi úshin jarııalaýǵa jatpaıtyny eskertildi.

Osy oraıda Jambyl oblystyq densaýlyq saqtaý basqarmasynan naýqastyń jaǵdaıyn suraǵan edik.

- Naýqasqa shuǵyl ota jasaldy, operatsııa barysynda 1 santımetr tereńdikke engen oq alyndy. Qazir jaraqat alǵan patsıenttiń jaǵdaıy turaqty, ómirine qaýip tónip turǵan joq. Naýqas dınamıkalyq palatada baqylaýǵa alyndy. Jaǵdaıy turaqty, nasharlaý belgisi joq,- delingen resmı habarlamada.

Osyǵan deıin Jambyl oblysynda 930 bala arnaıy medıtsınalyq tekseristen ótpegeni týraly jazdyq.