Jambyl oblysynda esirtkini zańsyz saqtaǵan Qordaı turǵyndaryna qatysty úkim shyqty

TARAZ. KAZINFORM – Shý aýdandyq soty Qordaı aýdanynyń tórt turǵynyn asa iri mólsherde esirtki zattaryn zańsyz ıemdenip, saqtaý faktisi boıynsha kináli dep tanyp, aıyptaý úkimin shyǵardy. Bul týraly QR Bas prokýratýranyń baspasóz qyzmeti habarlady. 

Tergeý barysynda 53,6 kılogramm marıhýana tárkilendi. Sottalýshylardyń buǵan deıin de osyndaı aýyr qylmystar úshin sottalǵany anyqtaldy. Olar óz kinálaryn moıyndamaǵanymen, memlekettik aıyptaýshy 4 azamattyń qylmysqa qatysy men rólin tolyq dáleldedi. 

Qylmystyń qaıtalanýyn jáne burynǵy sottylyqtaryn eskere otyryp, sot olardy 7 jyldan 11 jylǵa deıin bas bostandyǵynan aıyrý jazasyna kesti. 

Úkim áli zańdy kúshine engen joq. 

Buǵan deıin Almatyda ınternetten nusqaý alyp, esirtki taratqan jas jigit ustalǵanyn habarlaǵanbyz.