Jambyl oblysynda er adamnan 43 keliden astam marıhýana tárkilendi

TARAZ. KAZINFORM — Kúdikti asa iri kólemdegi esirtkini zańsyz tasymaldaǵany úshin 10 jyldan 15 jylǵa deıin bas bostandyǵynan aıyrylýy múmkin. 

Jedel-izdestirý is-sharalary barysynda Esirtki bıznesine qarsy kúres basqarmasynyń qyzmetkerleri patrýldik polıtsııa batalony jáne kınologııalyq qyzmetpen birlesip, 56 jastaǵy er adamdy ustady.

«Batys Eýropa — Batys Qytaı» tas jolynyń Qordaı aýylynyń mańynda «Mersedes-Bents» kóligi toqtatyldy. Iisshil ıtpen tintý kezinde artqy oryndyqtan úsh polıetılen pakettegi erekshe ıisi bar ósimdik tektes zat tabyldy. Sot-hımııalyq saraptamanyń qorytyndysyna sáıkes, tárkilengen zat jalpy salmaǵy 43 keli 630 gramm bolatyn keptirilgen marıhýana bolyp shyqty. 

QR Qylmystyq kodeksiniń 297-babynyń 3-bóligi boıynsha sotqa deıingi tergeý bastaldy. Kúdikti óz kinásin moıyndap, ýaqytsha ustaý ızolıatoryna qamaldy. Qazirgi ýaqytta qylmysqa qatysy bar basqa tulǵalardy anyqtaýǵa baǵyttalǵan jedel-izdestirý sharalary jalǵasyp jatyr.

Aıta keteıik, Almatyda esirtkini jasyryn taratqan 29 jastaǵy kúdikti ustaldy.

Sondaı-aq Reseıden ákelingen esirkini Qazaqstan aýmaǵy arqyly Ózbekstanǵa kirgizbek bolǵan azamat qolǵa tústi.