Jambyl oblysynda enesiniń atyna nesıe rásimdegen kelin sottaldy
ASTANA. KAZINFORM — Jambyl oblysynyń Jýaly aýdandyq soty alaıaqtyq faktisi (QK 190-babynyń 1-bóligi) boıynsha azamatsha B.-ǵa qatysty qylmystyq isti qarady.
2025 jyldyń qarashasynda sottalýshy B. óz atyna nesıe rásimdeı almaı, belgisiz adamnan qaıyn enesiniń habardar ekenine sendirip, enesiniń atyna (jábirlenýshige) nesıe rásimdeýdi suraǵan. Sottalýshy qaıyn enesiniń telefonyn alyp, rastaý kodyn habarlap, aldap enesiniń bet-álpetin onlaın tekserýden ótken.
Osylaısha, B. 1,5 mln teńge kóleminde nesıe resimdep, onyń 1,1 mln teńgesi jábirlenýshiniń shotyna túsken. Sottalýshy osy somany óz shotyna aýdaryp, olardy óz qajettilikterine jumsaǵan. Jábirlenýshiniń ózi nesıe týraly aı saıynǵy tólem paıda bolǵannan keıin ǵana bilgen.
B.-nyń kinási taraptardyń aıǵaqtarymen jáne istiń basqa da materıaldarymen dáleldendi. Prokýror 1 jylǵa bas bostandyǵynan aıyrý jazasyn taǵaıyndaýdy surady.
Sottalýshy kinásin tolyq moıyndap, jasaǵan isine ókinish bildirdi. Jábirlenýshi azamattyq talap qoıýdy qanaǵattandyrýdy jáne bas bostandyǵynan aıyrýmen baılanysty emes jaza taǵaıyndaýdy surady.
— Sot kináni moıyndaýyn, jasaǵan isine ókinýin jáne jas balalarynyń bolýyn jeńildetetin mán-jaılar retinde tanydy. Aýyrlatatyn mán-jaılar anyqtalǵan joq. Sot úkimimen sottalýshy QK 190-babynyń 1-bóligi boıynsha kináli dep tanylyp, oǵan 1 jyl bas bostandyǵyn shekteý túrindegi jaza taǵaıyndaldy. Jábirlenýshiniń 1,5 mln teńge somasyna materıaldyq zalaldy óteý týraly azamattyq talap qoıýy tolyǵymen qanaǵattandyryldy. Úkim zańdy kúshine endi, — delingen Jýaly aýdandyq soty taratqan aqparatta.
Osyǵan deıin túrkistandyq áıel óz úıinen 8,5 mln teńgeniń altynyn qoldy etkenin jazǵan edik.
