Jambyl oblysynda eki jasóspirim óz-ózine qol jumsady

ASTANA. KAZINFORM – Rastalmaǵan málimetterge sáıkes, búgin tańerteń toǵyzynshy synyptyń eki oqýshysynyń deneleri qoradan tabyldy, dep habarlaıdy Kazinform tilshisi.

Qaıǵyly oqıǵa tańerteń Qordaı aýdanynyń Qarakemer aýylynda boldy. Aldyn ala málimet boıynsha, eki jasóspirim ózderine qol jumsaǵan, biraq eshqandaı jazba qaldyrǵan joq.

Qazirgi ýaqytta tergeýshiler balalardyń baılanysta bolǵan barlyq adamdar – kórshileri, dostary jáne mektep muǵalimderi surastyrylyp jatyr. 

Polıtsııa departamenti áleýmettik jelilerde paıda bolǵan aqparatty rastady. 

- Qordaı aýdanyndaǵy sýıtsıd faktisi boıynsha qylmystyq is qozǵaldy. Qazirgi ýaqytta oqıǵanyń mán-jaıyn jan-jaqty, tolyq jáne obektıvti túrde anyqtaý úshin qajetti tergeý is-sharalary júrgizilip jatyr. QR Qylmystyq-protsessýaldyq kodeksiniń 201-babyna sáıkes, tergeý múddesi úshin basqa aqparat jarııa etilmeıdi, - dep habarlady vedomstvo. 

Aıta ketý kerek, 2026 jyly Qordaı aýdanynan qaıǵyly oqıǵalar týraly aqparat kelip túsip otyr – bir aıdan astam ýaqyt buryn ǵana basqa aýyldarda taǵy eki bala óz-ózine qol jumsaǵan bolatyn.

Osyǵan deıin Shymkentte oqýshylar arasynda 11 sýıtsıd faktisi tirkelgenin jazdyq.