Jambyl oblysynda eki temirjolshyny poıyz basyp ketti
TARAZ. KAZINFORM — Jambyl oblysynda Jıdeli-Birlik ýchaskesinde poıyz apaty boldy.
2024 jyldyń 21 qańtarynda tańǵy saǵat 07:27 kezinde Shyǵanaq-Shý ýchaskesiniń Jıdeli-Birlik ýchaskesinde eki temirjolshyny poıyz basyp ketken.
Poıyz mashınısi apattyq tejegishti basqanymen kólikti toqtatý múmkin bolmady.
«Búkil mán-jaıdy anyqtaý úshin oqıǵa ornyna QTJ komıssııasy attandy. Tergeý bastaldy. QTJ qyzmetkerlerdiń otbasyna kóńil aıtyp, olarǵa qajetti kómekti kórsetedi» dep habarlady «Qazaqstan temir joly» UK» AQ baspasóz qyzmeti.
Keıinirek kóliktik polıtsııa departamenti is qozǵalǵanyn málimdedi.
«21 qańtarda atalǵan fakti Shý stantsııasyndaǵy jelilik polıtsııa bóliminde Qylmystyq kodekstiń „temirjol qozǵalysynyń qaýipsizdik qaǵıdalaryn buzý“ baby boıynsha tirkeldi. Qazirgi ýaqytta tıisti tergeý amaldary júrip jatyr» dep habarlady departamentten.
