Jambyl oblysynda eki kólik soqtyǵysyp, alty adam qaza boldy

ASTANA. KAZINFORM – Jambyl oblysyndaǵy respýblıkalyq tas jolda jantúrshigerlik kólip apaty saldarynan 6 adam mert boldy. 

Jambyl oblysy polıtsııa departamentiniń habarlaýynsha, 17 tamyz kúni túngi saǵat 01:00 shamasynda respýblıkalyq mańyzy bar Merki-Shý-Býrylbaıtal tas jolynyń 34-shi shaqyrymynda, Merki aýdanyna qarasty Tátti aýylynyń mańynda jol-kólik oqıǵasy bolǵan. Toyota Alfard mınıveni men Skoda-Octavia polıtsııa kóligi betpe-bet soqtyǵysyp, mınıven órtke oranǵan. 

Oqıǵa saldarynan 6 adam qaza tapty. Onyń ekeýi — polıtsııa qyzmetkeri jáne tórteýi — Toyota Alfard kóliginiń jolaýshysy. Taǵy tórt adam aýrýhanaǵa jetkizildi. 

Tótenshe jaǵdaılar qyzmeti órtti saǵat 1:45-te sóndirdi.