09:52, 11 Qarasha 2024 | GMT +6
Jambyl oblysynda eki azamattan asa iri kólemde esirtki tárkilendi
TARAZ. KAZINFORM – UQK baspasóz qyzmeti Jambyl oblysynda eki azamattan asa iri kólemde esirtki tárkilengenin málimdedi.
Derekke qaraǵanda, osy jyldyń qazanynda UQK Jambyl oblysy boıynsha departamenti prokýratýra organdarynyń úılestirýimen esirtkini asa iri kólemde tasymaldady jáne satty degen kúdikpen eki esirtki tobynyń áreketiniń jolyn kesti.
«Óńirdegi T.Rysqulov jáne Merki aýdandarynda 14 kg-dan astam gashısh pen 42 kg marıhýanany satýǵa árekettengen eki Qazaqstan azamaty ustalyp, sot sanktsııasymen qamaýǵa alyndy», — dep naqtylady vedomstvodan.
Qylmystyq kodekstiń 297-baby 3-bóligi boıynsha sotqa deıingi tergep-tekserý júrgizilýde.
Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.
