Jambyl oblysynda buzylyp qalǵan avtobýstan 15 jolaýshy evakýatsııalandy

ASTANA. KAZINFORM - Túnde «Almaty-Túrkistan» tas jolynda jolaýshylar mingen avtobýs buzylyp, Jambyl oblysy Asa aýyly aýdanynda turyp qalǵan.

Bul týraly QR Tótenshe jaǵdaılar mınıstrliginiń baspasóz qyzmeti habarlady.

Baspasóz málimetterine qaraǵanda, TJM qyzmetkerleri buzylǵan avtobýstan jaqyn mańdaǵy jylytý pýnktine 15 jolaýshyny, onyń ishinde 3 balany jetkizdi.

- Tótenshe jaǵdaı týyndaǵan kezde 112 nómirine qońyraý shalyńyz – delingen mınıstrlik taratqan habarlamada.

Osyǵan deıin Almaty oblysynyń Kókpek pen Kegen aýylynyń aralyǵyndaǵy jol jabylǵanyn habarladyq.