Jambyl oblysynda bir úıir jylqy urlaǵan turǵyn ustaldy
ASTANA. KAZINFORM – Jambyl oblysynda 16 bas jylqyny aıdap áketken 44 jastaǵy turǵyn ustaldy.
Tergeý barysynda onyń urlanǵan maldyń jeteýin soıyp, etin satyp jibergeni belgili boldy.
Oqıǵa T.Rysqulov aýdanynyń qumdy alqabyndaǵy jaıylymda bolǵan. Er adam jaıylymda qaraýsyz júrgen jylqylardy baıqap, olardy ıemdenýdi uıǵarǵan.
Ol ózine tıesili atqa minip, jylqylardy úıirimen birge aıdap áketken. Saldarynan mal ıesine 24 mln teńge kóleminde materıaldyq shyǵyn keltirilgen.
Kúdikti ustalyp, ýaqytsha ustaý ızolıatoryna qamaldy. Atalǵan derek boıynsha asa iri mólsherdegi mal urlyǵy babymen sotqa deıingi tergep-tekserý amaldary júrgizilip jatyr.
Polıtsııa azamattardy mal-múlkiniń saqtalýyna jaýapkershilikpen qaraýǵa, tórt túlikti qaraýsyz qaldyrmaýǵa shaqyrdy.
Buǵan deıin Jambyl oblysynda sharýa qojalyqtyń 300 bas maly urlanǵanyn jazǵan edik.