Jambyl oblysynda bıylǵy ónimnen 44 myń tonna qant óndirý josparlanyp otyr
ASTANA. KAZINFORM- Jambyl oblysynda qant qyzylshasynyń egis alqaby bir jarym ese ulǵaıdy. Bıyl jınalǵan ónimdi jergilikti zaýyttarda óńdeý josparlanyp otyr. Nátıjesinde shamamen 44 myń tonna qant óndirý kózdelgen.
Bıyl óńirde qant qyzylshasy 9,9 myń gektar jerge egildi. Bul byltyrǵy kórsetkishten 3,3 myń gektarǵa artyq. Oblystyq aýyl sharýashylyǵy basqarmasynyń málimetinshe, dıqandar 450 myń tonna ónim jınaýdy josparlap otyr.
Bul kólem oblystaǵy qant zaýyttarynyń málimdelgen jıyntyq óńdeý qýatyna teń. Daıyn ónim retinde shamamen 44 myń tonna qant óndirý josparlanyp otyr.
Basqarma basshysy Ábdirasil Jeleýbaevtyń aıtýynsha, on aıdyń qorytyndysy shyǵarylǵan kezde sharýashylyqtar 2,9 myń gektar alqaptan 159,5 myń tonna qant qyzylshasyn jınaǵan. Onyń 104,9 myń tonnasy óńdeýshi kásiporyndarǵa tapsyrylǵan.
Osyǵan deıin Kóksý qant zaýytynyń óńdeý qýaty táýligine 3 myń tonnaǵa deıin artatyny týraly jazdyq.
Sondaı-aq qazaqstandyqtarǵa qant tutynýdy shekteý usynyldy.