Jambyl oblysynda bıyl tutynýshylardan 742 ótinish tústi

TARAZ. KAZINFORM – Jyl basynan beri Jambyl oblysynyń Saýda jáne tutynýshylardyń quqyqtaryn qorǵaý departamentine 742 ótinish tústi. Bul ótken jyldyń sáıkes kezeńimen salystyrǵanda 40,5 paıyzǵa kóp.

«Ótinishterdiń 580-i tutynýshylardyń quqyqtaryn qorǵaý salasyna qatysty. Ósim – 30,3 paıyz. Elektrondyq saýda boıynsha shaǵymdar sany 123-ke jetip, 68,5 paıyzǵa artty. Bilim berý qyzmetteri boıynsha ótinishter 3,7 ese kóbeıip, 41-ge jetti», – dedi departament basshysynyń orynbasary Baıqadam Dúısenbaev.

Onyń aıtýynsha, 6 aı ishinde tutynýshylarǵa 14,6 mln teńge qaıtarylǵan. 101 jospardan tys tekserý júrgizilip, 89 zańbuzýshylyq anyqtalǵan. 35 ákimshilik aıyppul salynǵan, jalpy somasy – 1,2 mln teńge.

Aıta keteıik, Jambyl oblysy boıynsha memlekettik múlik jáne jekeshelendirý departamentiniń basshysy taǵaıyndaldy.