Jambyl oblysynda bas dáriger býllıng faktisin habarlamaǵany úshin jaýapqa tartyldy
ASTANA. KAZINFORM - Taraz qalasy prokýratýrasy «Komekstopbullying» telegram-boty arqyly «Aıala oblystyq balalardy ońaltý ortalyǵynda» úsh jasóspirimniń eki kámeletke tolmaǵan balalarǵa qatysty býllıng faktisin anyqtady. Bul týraly Jambyl oblysy prokýratýrasy habarlady.
Zardap shekken balalardyń anasy buǵan deıin ońaltý ortalyǵynyń ákimshiligine shara qoldaný týraly ótinish jazǵany, biraq onyń ótinishi jaýapsyz qalǵany belgili boldy.
Osyǵan baılanysty, prokýratýranyń qadaǵalaý aktisine sáıkes 25.12.2024 jyly oblys boıynsha Medıtsınalyq jáne farmatsevtıkalyq baqylaý komıtetiniń departamenti ońaltý ortalyǵynyń bas dárigerine ÁQBtK-niń 127-1-baby boıynsha (kámeletke tolmaǵandar nemese kámeletke tolmaǵandarǵa qatysty zańsyz áreketter týraly habarlamaý) ákimshilik aıyppul sala otyryp, ákimshilik jaýapkershilikke tartty, - delingen habarlamada.
Prokýratýra kámeletke tolmaǵandarǵa qatysty quqyqbuzýshylyq faktilerin jasyrýǵa jol bermeýge basa nazar aýdarady jáne barlyq múddeli taraptardy balalardy qorǵaý máselelerine kóńil bólýge shaqyrady.
Jambyl oblysy boıynsha sybaılas jemqorlyqpen kúres departamentine jańa basshy taǵaıyndalǵan bolatyn.