Jambyl oblysynda balalarǵa qatygezdik kórsetý faktisi boıynsha tergeý aıaqtaldy

TARAZ. KAZINFORM – Jambyl oblysy Talas aýdanynyń turǵynyna qatysty eki kámeletke tolmaǵan balany júıeli túrde uryp-soqqany úshin qozǵalǵan qylmystyq is tergelip bitip, aıyptaý aktisimen birge prokýrorǵa joldandy. Bul isti sot qaraıtyn bolady, dep habarlaıdy Polisia.kz.

Eske sala keteıik, buǵan deıin polıtsııa kúdiktini dereý qolǵa túsirip, qamaýǵa alǵan bolatyn.

Japa shekken balalar Taraz qalasyndaǵy Balalardy qoldaý ortalyǵyna ornalastyrylyp, olarǵa qajetti psıhologııalyq jáne quqyqtyq kómek kórsetildi.

Atalǵan qylmystyq istiń tergeýi Іshki ister mınıstriniń tikeleı baqylaýynda boldy.

Aıta keteıik, Jambyl oblysy Talas aýdanynda kámeletke tolmaǵan balalar vıdeoúndeý jazyp, ózderin májbúrli jumysqa jekkenin, qorlyq kórip, soqqyǵa jyǵylǵandaryn aıtqan.

Keıin osy iske qatysty Oqý-aǵartý mınıstri Ǵanı Beısembaev pikir bildirdi.