Jambyl oblysynda balalardyń astan jappaı ýlaný sebebi aıtyldy
ASTANA. KAZINFORM – Elimizde balalar bolatyn uıymdarda sanıtarlyq-epıdemıologııalyq qyzmet kúsheıtilmek. Bul týraly Densaýlyq saqtaý mınıstri Aqmaral Álnazarova málim etti.
- Iá, jappaı ýlaný jáne ol aspen baılanysty. Tıisti súrtindiler alynyp, stafılokokk anyqtaldy. Bul tamaqty daıyndaý men saqtaý tehnologııasynyń buzylýy, sonyń saldarynan balalar jappaı ýlandy, - dedi Aqmaral Álnazarova Májiliste ótken baspasóz máslıhatynda.
Osy oraıda mınıstrlik balalar bolatyn uıymdarda baqylaýdy kúsheıtýdi josparlap otyr.
- Zańnamaǵa ózgerister engizip jatyrmyz, ásirese, sanıtarlyq-epıdemıologııalyq qyzmettiń baqylaý mehanızmderin kúsheıtý boıynsha, balalar ornalasqan uıymdar men bıýdjet esebinen qarjylandyrylatyn uıymdarǵa qatysty, - deıdi vedomstvo basshysy.
Eske sala ketsek, birneshe kún buryn Jambyl oblysyndaǵy bóbekjaıda 10 bala ınfektsııa juqtyryp, aýrýhanaǵa túskeni týraly habarlaǵan bolatynbyz.