Jambyl oblysynda balabaqsha basshylyǵy bıýdjetten 45,2 mln teńge jymqyrǵan
TARAZ. KAZINFORM — Jambyl oblysynyń prokýrorlary iri kólemdegi bıýdjet qarajatyn jymqyrý faktisin anyqtady. Bul týraly oblystyq prokýratýra málim etti.
— Qordaı aýdanynyń prokýratýrasy mektepke deıingi mekemeniń jan basyna shaqqandaǵy qarjylandyrýǵa arnalǵan 45,2 mln teńge kólemindegi bıýdjet qarajatyn jymqyrý faktisin anyqtady. Eki jyl boıy balabaqsha basshylyǵy mektepke deıingi uıymǵa múldem kelmegen balalar úshin zańsyz bıýdjet qarajatyn alyp otyrǵan, — delingen habarlamada.
2025 jylǵy 11 naýryzda iri kólemdegi bıýdjet qarajatyn jymqyrý faktisi aýdan prokýratýrasynyń Sotqa deıingi tergep-tekserýdiń biryńǵaı tizilimine Qylmystyq kodekstiń 189-baby 4-bóliginiń 2)tarmaǵymen tirkeldi.
Tergep-tekserý Jambyl oblysy boıynsha Sybaılas jemqorlyqqa qarsy is-qımyl agenttiginiń Departamentine tapsyryldy. Qylmystyq-protsestik kodekstiń 201-babyna sáıkes tergeý múddesi úshin ózge aqparat jarııa etýge jatpaıdy.
Buǵan deıin habarlanǵandaı, Jambyl oblysynda «Qazaqtelekom» basshylaryna qatysty tergeý aıaqtaldy.