Jambyl oblysynda aýrýhanany jóndeý kezinde 16 mln teńge zańsyz tólengen
TARAZ. KAZINFORM – Jambyl oblysynda prokýrorlar aýrýhana qurylysy kezinde bıýdjet qarajatynyń maqsatsyz paıdalanylǵanyn anyqtady.
Taldaý barysynda aýdandaǵy kópsalaly ortalyq aýrýhanasyn kúrdeli jóndeý kezinde merdiger uıymǵa qurylys jumystarynyń jalǵan oryndalý aktileri negizinde 16 mln teńgeden astam qarajat negizsiz tólengeni anyqtaldy.
Osy derek boıynsha aýdan prokýratýrasy Jambyl oblysy ákimdiginiń Memlekettik sáýlet-qurylys baqylaý basqarmasyna avtorlyq jáne tehnıkalyq qadaǵalaýshylardy joǵaryda kórsetilgen aktilerge qol qoıǵany úshin ákimshilik jaýapkershilikke tartý týraly qadaǵalaý aktisin engizdi.
Alaıda basqarma prokýratýrany habardar etpeı, usynysty qarap, quqyq buzýshylyqtyń joqtyǵyn alǵa tartyp, ony oryndaýsyz qaldyrǵan.
Osy rette prokýrordy habardar etpegeni úshin basqarma ÁQBtK-niń 666-baby boıynsha 100 AEK aıyppul mólsherinde ákimshilik jaýapkershilikke tartyldy.
Prokýratýra aktisin qaraý qorytyndysy boıynsha merdiger barlyq jumysty tolyq kólemde oryndady. Sonymen qatar avtorlyq jáne tehnıkalyq qadaǵalaý organdary ÁQBtK-niń 317-baby boıynsha ákimshilik jaýapkershilikke tartylyp, árqaısysyna 400 AEK mólsherinde aıyppul salyndy.
Aıta ketelik bir aıda 18 mlrd teńge zalal keltirgen sybaılas jemqorlyq isteri áshkerelengen edi.