Jambyl oblysynda atys bolyp, tórt adam jaraqattandy
TARAZ. KAZINFORM — Oq jaraqatyn alǵan tórt adam aýrýhanaǵa jetkizildi, dep habarlaıdy Kazinform agenttiginiń tilshisi.
Jambyl oblystyq polıtsııa departamentiniń aldyn ala málimeti boıynsha, zardap shekkender travmatıkalyq qarýdan jaraqat alǵan. Oqıǵa keshe keshki ýaqytta bolǵan, shamamen saǵat 21:30-da tórt jaraly adam Moıynqum aýdandyq aýrýhanasyna jetkizilgen.
– Atalǵan fakti boıynsha Qylmystyq kodeksiniń 24-baby 3-bóligi jáne 99-baby 2-bóligi boıynsha (Eki nemese odan da kóp adamdy óltirýge oqtalý, adamdar toby, aldyn ala sóz baılasqan adamdar toby nemese buzaqylyq nıetpen jasalǵan) qylmystyq is qozǵaldy, – dep habarlady vedomstvodan.
Qazirgi ýaqytta polıtseıler oqıǵanyń barlyq mán-jaıyn anyqtaý úshin jedel-izdestirý jáne tergeý amaldaryn júrgizip jatyr.
Aıta keteıik, buǵan deıin Jambyl oblysynda feldsherdiń keýdesine oq atylǵany habarlanǵan edi.
Sondaı-aq, zańsyz qarý aınalymymen kúres baǵytynda qandaı jumys istelip jatqany týraly jazǵan edik.