Jambyl oblysynda ata-anasyz qalǵan 11 balaǵa járdemaqy tólenbegen
ASTANA.KAZINFORM - Merki aýdany prokýratýrasy №9 kolledj qyzmetinde kámeletke tolmaǵandardyń quqyǵyn saqtaý máseleleri boıynsha zańdylyqtyń jaı-kúıine taldaý júrgizildi.
Taldaý nátıjesinde ata-anasynyń qamqorlyǵynsyz qalǵan 11 kámeletke tolmaǵan balaǵa áleýmettik járdemaqynyń tıisti túrde tólenbegeni, sondaı-aq olardy uıym qarajaty esebinen saýyqtyrý mekemeleri men lagerlerge tegin joldamalarmen qamtamasyz etý máselesiniń qaralmaǵany anyqtaldy.
Prokýrorlyq qadaǵalaý sharalarynyń nátıjesinde oqýshylarǵa tıesili áleýmettik járdemaqy tólendi.
Sonymen qatar olardy eńbek lagerlerine jáne sanatorıı-kýrorttyq mekemelerge joldamalarmen qamtamasyz etý boıynsha sharalar qabyldanyp jatyr.
Jambyl oblysynyń prokýratýrasy kináli tulǵalar tártiptik jaýapkershilikke tartylǵanyn habarlady.
Buǵan deıin ShQO-da jetim qalǵan eki balaǵa 3 jyl boıy járdemaqy tólenbeı kelgenin jazǵan edik.
Prokýratýraǵa habarlasqan azamat óz qamqorlyǵyndaǵy nemeresiniń áleýmettik quqyǵynyń buzylýyna qatysty aryz jazǵan.
