Jambyl oblysynda áskerı dron aqaý saldarynan qonýǵa májbúr boldy
ASTANA. KAZINFORM – Qazaqstan Qarýly Kúshteri Áýe qorǵanysy kúshterine tıesili ushqyshsyz ushý apparaty Jambyl oblysynda josparly oqý-jattyǵý kezinde shtattan tys qondy.
Qorǵanys vedomstvosynyń málimetinshe, oqıǵa 2026 jylǵy 2 maýsymda Jambyl oblysynyń Talas aýdany aýmaǵynda bolǵan.
Oqıǵa saldarynan zardap shekkender joq. Sondaı-aq jergilikti turǵyndar men ınfraqurylym nysandaryna qaýip tónbegen.
– Aldyn ala málimetter boıynsha, oqıǵaǵa tehnıkalyq aqaýlar sebep bolýy múmkin, – delingen habarlamada.
Qazirgi ýaqytta oqıǵanyń barlyq mán-jaıyn anyqtaý úshin arnaıy komıssııa qurylyp, oqıǵa ornyna jiberildi.
Mamandar aýmaqty tekserip, ushqyshsyz ushý apparatynyń shtattan tys qoný sebepterin anyqtaý jumystaryn júrgizip jatyr.
– Barlyq mán-jaıdy anyqtaý úshin oqıǵa ornyna arnaıy komıssııa jiberildi. Aýmaqty tekserý jáne oqıǵanyń sebepterin anyqtaý boıynsha is-sharalar júrgizilýde, – dep habarlady vedomstvodan.
Aıta keteıik, Aqtóbede shekara mańynan ushqyshsyz ushý apparatynyń synyǵy tabyldy.
