Jambyl oblysynda ań aýlaýǵa shyqqan bala kóz jumdy

ASTANA. KAZINFORM – Moıynqum aýdany turǵyny túnde úsh dosymen ańǵa shyǵyp, alǵan jaraqatynan kóz jumǵan, dep habarlaıdy Kazinform tilshisi. 

Aldyn ala málimet boıynsha, ótken túni tórt jasóspirim ań aýlaýǵa shyqqan. Olardyń birine oq tıip, aýyr jaraqat alǵan.

Jambyl oblystyq polıtsııa departamenti kúdiktiniń jeke basy anyqtalyp, jergilikti polıtsııa bólimine jetkizilgenin habarlady.

— Oqıǵanyń mán-jaıyn tolyq, obektıvti jáne jan-jaqty tergeýge baǵyttalǵan barlyq qajetti tergeý amaly júrgizilip otyr, — dep atap ótti vedomstvonyń baspasóz qyzmeti.

Budan bólek, kámeletke tolmaǵan balalar qarýdy ıemdenip, túngi ýaqytta qaraýsyz júrgeni úshin olardyń ata-analaryn mindetterin tıisinshe oryndamaǵany úshin jaýapkershilikke tartý máselesi de qarastyrylyp jatyr. 

Aıta ketelik Batys Qazaqstanda ań aýlaý kezinde 17 jastaǵy jasóspirim oq jaraqatyn alǵan edi.