Jambyl oblysynda altyn urlaýmen jáne zańsyz óndirýmen aınalysqan qylmystyq top ustaldy
ASTANA. KAZINFORM – Іshki ister mınıstrligi altyn urlaýmen jáne zańsyz óndirýmen aınalysqan qylmystyq toptardyń áreketine tosqaýyl qoıý boıynsha sharalar qabyldap jatyr, – dep jazdy Polisia.kz.
Bıyl birqatar óńirde quramynda altyny bar materıaldy qaıta óńdeý boıynsha 19 zańsyz tseh joıylyp, ondaǵan tonna ken tárkilendi.
– Shilde aıynda Jambyl oblysy Moıynqum aýdanynda uıymdasqan qylmysqa qarsy kúres bólinisiniń qyzmetkerleri «Altynalmas» AQ «Aqbaqaı» kombınatynyń aýmaǵynan quramynda altyny bar kendi urlaýǵa qatysy bar adamdardy ustaý boıynsha jedel is-sharalar ótkizdi. Іzdeý is-sharalarynyń nátıjesinde Aqbaqaı, Moıynqum, Birlik kentterinde 11 zańsyz usaqtaý tsehy tabyldy. Onda ken men tastardy óńdeýge arnalǵan arnaıy jabdyq, altyn, qarajat, sondaı-aq toǵyz atys qarýy men myńnan astam oq-dári tárkilendi. «Qarakóz» kareriniń aýmaǵynda zańsyz ken izdeýshilerdiń eki brıgadasy ustaldy. Zańsyz ken óndirip, shahtalarǵa kirgen 17 adam. Olardyń barlyǵy ákimshilik jaýapkershilikke tartyldy. Budan basqa, arnaıy is-sharalardy ótkizý kezinde «Aqbaqaı» kombınatynyń aýmaǵynan quramynda altyny bar 600 qaptan astam shıkizatty urlaý faktisi anyqtaldy. Oǵan kombınattyń burynǵy qyzmetkerleriniń qatysy bolǵan. Olar ýaqytsha ustaý ızolıatoryna qamaldy. Kombınattyń qaýipsizdik qyzmetimen birge ustalǵandardyń basqa da osyndaı qylmystarǵa qatysy bar-joǵy tekseriledi, – dedi ІІM Uıymdasqan qylmysqa qarsy kúres departamentiniń ókili Qýandyq Alpys.
