Jambyl oblysynda «Almaty – Taraz» avtojolynyń ýchaskesinde qozǵalys ýaqytsha shekteledi

«QazAvtoJol» ulttyq kompanııasy Jambyl oblysynda «Almaty – Taraz (Jańa Qordaı asýy)» avtomobıl jolynyń 159–238 shaqyrym aralyǵynda ortasha jóndeý jumystary júrgiziletinin habarlady.

Osyǵan baılanysty 2026 jylǵy 7 tamyzdan bastap jóndeý jumystary aıaqtalǵanǵa deıin kún saıyn saǵat 08:00-den 20:00-ge deıin Taraz qalasy baǵytyna qaraı kólik qozǵalysyna ýaqytsha shekteý engiziledi.

Jóndeý jumystary kezeńinde Almaty qalasynan Taraz qalasyna baǵyt alǵan kólik quraldarynyń qozǵalysy «Otar – Qordaı – Qaınar» (Eski Qordaı asýy) avtomobıl joly arqyly uıymdastyrylady.

- Júrgizýshilerden jol júrý baǵytyn aldyn ala josparlaýdy, ýaqytsha jol belgileriniń talaptaryn saqtaýdy jáne jol jumystary júrgizilip jatqan aımaqta asa muqııat bolýdy suraımyz. Keltirilgen qolaısyzdyqtar úshin keshirim suraımyz. Aınalma joldyń syzbasy qosa usynylady, - delingen habarlamada.

Aıta keteıik, búgin alǵash ret jolaýshy mingen ushqyshsyz áýe kóligi kókke kóterildi.