Jambyl oblysynda alǵash ret múgedektik belgilengen balalar sany 23%-ǵa ósti
TARAZ. KAZINFORM – Jambyl oblysynda jarty jyl ishinde 434 balaǵa alǵash ret múgedektik belgilendi. Bul ótken jyldyń sáıkes kezeńimen salystyrǵanda 83 balaǵa kóp.
Jalpy osy kezeńde óńirdiń 1 374 turǵynyna alǵash ret múgedektik belgilengen. Onyń úshten birine jýyǵyn balalar quraıdy.
Eńbek jáne áleýmettik qorǵaý komıtetiniń Jambyl oblysy boıynsha departamenti kórsetkishtiń ósýin, eń aldymen, psıhıkalyq aýrýlardyń saldarymen baılanystyrady. Taǵy bir sebep retinde medıtsınalyq-áleýmettik saraptamany proaktıvti júrgizýdiń arqasynda múgedektikti anyqtaý deńgeıiniń jaqsarýy ataldy.
Qazir oblysta 45 918 múgedektigi bar adam turady, onyń 7 myńǵa jýyǵy – balalar. Múgedektik sebepteriniń jalpy qurylymynda qaterli isikter birinshi orynda tur – olardyń úlesine jaǵdaılardyń 32%-y tıesili. Taǵy 23,8%-y qan aınalymy júıesi aýrýlarymen baılanysty.
Іshinara ońaltý kórsetkishi 10,8%-dy qurady. Al múgedektiktiń neǵurlym aýyr toby belgilengen jaǵdaılardyń úlesi 6,7%-ǵa jetti. Sarapshylar múgedektik tobynyń aýyrlaýyna negizinen ınsýlt, ınfarkt jáne onkologııalyq aýrýlardyń tez órshýi sebep bolatynyn atap ótti.
Aıta keteıik, Túrkistan oblysynda aýtızmmen aýyratyn balalar kóbeıgen.
