Jambyl oblysynda 9,2 shaqyrym «Ismaıl» kanaly jańǵyrtylyp jatyr
ASTANA. KAZINFORM – Jambyl oblysy Jambyl aýdanynda uzyndyǵy 9,2 shaqyrymdy quraıtyn «Ismaıl» magıstraldyq kanalyna rekonstrýktsııa jumystary júrgizilýde.
Joba bıyl qańtar aıynda bastalǵan. Qazirgi ýaqytta 2,5 shaqyrym ýchaskede jańǵyrtý jumystary aıaqtalǵan. Joba aıasynda kanal arnasyn betondaý, sý shyǵarý tetikterin ornatý, bóget qurylymdaryn jańartý, nóserletip sý aǵyzý júıelerin engizý jáne gıdrobeket salý kózdelgen.
Atalǵan kanal arqyly Asa ózeninen Jambyl aýdanynyń sýarmaly alqaptaryna sý jetkiziledi.
Nysannyń sý ótkizý qýaty sekýndyna 6 tekshe metrdi quraıdy. Jańǵyrtý nátıjesinde 1454 gektar egistik alqapty sýmen qamtý jaqsaryp, sý shyǵyny azaıady dep kútilýde.
– Qazirgi tańda nysanda 35 jumysshy men 19 tehnıka jumyldyrylǵan. Qurylys-montaj jumystary jyl sońyna deıin aıaqtalady dep josparlanyp otyr. Sýarý maýsymy kezinde de jumystar toqtamaıdy, al dıqandardy sýmen qamtamasyz etý úshin ýaqytsha kanal salý qolǵa alynǵan, – dedi merdiger uıymnyń ókili Erlan Orazbaev.
Aıta keteıik, sýarý maýsymyna oraı 526 shaqyrym kanal tazartylǵany habarlandy.
