Jambyl oblysynda 8,6 mln teńge alıment qaryzy múlikpen óteldi
ASTANA. KAZINFORM – Jambyl oblysynda alıment boıynsha 8 mln 659 myń teńge qaryz jyljymaıtyn múlik berý arqyly óteldi. Múlik alıment alýshyǵa berildi, dep habarlaıdy Kazinform tilshisi.
Jambyl oblysynyń Ádilet departamentiniń málimetinshe, osy jyldyń toǵyz aıynda alıment qaryzy esebine bir jyljymaıtyn múlik nysany berilgen.
Soǵan qaramastan, óńirde alıment óndirý máselesi áli de ózekti. Qazir jalpy somasy 346,9 mln teńgege jetken qaryzy bar 232 is problemalyq dep tanylǵan.
Sonymen qatar úsh aıdan astam ýaqyt boıy alıment qaryzy ótelmegen 638 atqarýshylyq qujat esepte tur. Bul ister boıynsha boryshkerler tólem jasap júrgenimen, bereshekti tolyq ótemegen.
Alıment tóleýshiler arasynda áıelder de bar. Óńirdegi jeke sot oryndaýshylary 307 áıelden alıment óndirý boıynsha jumys júrgizip jatyr.
Aıta keteıik, buǵan deıin ShQO-da bıyl balasyna alıment tólemegen 21 adam sottalǵanyn jazǵan edik.
Al Mańǵystaý oblysynda 37 mln teńge alıment óndirilip, 25 boryshker jaýapqa tartyldy.
