Jambyl oblysynda 75 sharýa qojalyǵyn sýmen qamtamasyz etetin nysan tazartyldy
ASTANA. KAZINFORM - Jambyl oblysyndaǵy «Qazsýshar» RMK fılıaly Jýaly aýdanyndaǵy «Aqsaı» kanalyndaǵy sý rettegishti sońǵy 20 jyldan keıin alǵash ret tazalady, dep habarlaıdy QR Sý resýrstary mınıstrliginiń baspasóz qyzmeti.
Baspasóz qyzmetiniń málimetterine qaraǵanda, táýliktik sý rettegishtiń syıymdylyǵy 60 myń tekshe metr jáne 2000 gektar sýarmaly jerge sýdyń turaqty jetkizilýin qamtamasyz etedi. Tazalaý jumystaryna 3 arnaıy tehnıka jumyldyrylyp, shamamen 3 myń tekshe metr qum men qıyrshyq tas shyǵaryldy.
«Aqsaı» kanaly 75 sharýa qojalyǵynyń egistik alqaptaryn sýarmaly sýmen qamtamasyz etedi. Negizinen munda kartop, kópjyldyq shópter, kókónis jáne dándi daqyldar ósiriledi.
- Byltyr Sý resýrstary jáne ırrıgatsııa mınıstrligi oblystyq fılıalǵa 75 arnaıy tehnıka bóldi. Sonyń úsheýi Jýaly aýdanyna bólindi. Endi olardy osy sý rettegishti tazalaýǵa paıdalanyp jatyrmyz. Jańa tehnıkanyń arqasynda jumys jaqsy júrip jatyr. Sońǵy jyldary sý rettegishtiń syıymdylyǵy azaıyp, sharýalarǵa sý bir qalypty jetkizilmegen edi. Endi jobalyq kólemi qalpyna keltirilgen soń, sý berý turaqtanady, – dedi Aqsaı óndiristik bólimshesiniń basshysy Dáýletbaı Nurabaev.
Osyǵan deıin Atyraý oblysynda ór sýyn jınaıtyn qoıma salynatyny týraly jazdyq.
