Jambyl oblysynda 730 oqýshy der kezinde medıtsınalyq tekserýden ótpegeni anyqtaldy
TARAZ. KAZINFORM — Jambyl oblysynda prokýrorlar kámeletke tolmaǵandardy medıtsınalyq tekserýden ótkizý kezinde zań buzýdy anyqtady.
Talas aýdanynyń prokýratýrasy mindetti áleýmettik medıtsınalyq saqtandyrý salasyndaǵy zańdylyqtyń jaı-kúıine taldaý júrgizip, nátıjesinde birqatar bilim berý uıymynda balalarǵa profılaktıkalyq medıtsınalyq tekserýlerdi uıymdastyrý jumystary tıisti deńgeıde atqarylmaǵany anyqtaldy.
— Atap aıtqanda, bıyl aýdannyń 10 bilim berý uıymynda 730 kámeletke tolmaǵan bala arnaıy medıtsınalyq tekserýden ótpegen, bul olardyń kepildendirilgen medıtsınalyq kómekke quqyǵyn shekteý.
Prokýratýranyń qadaǵalaý aktisi negizinde memleketke aýdan mektepterindegi oqýshylardyń medıtsınalyq tekserýlerine bólingen 20 mln teńge qaıtaryldy, — delingen habarlamada.
Qazirgi tańda barlyq bala tolyq medıtsınalyq tekserýden ótti, al kináli tulǵalar tártiptik jaýapkershilikke tartyldy.
Aıta ketelik Jambyl oblysy Ádilet departamenti bastyǵynyń orynbasary para alý kúdigimen ustalǵan edi.