Jambyl oblysynda 710 mln teńge salyq tóleýden jaltarý faktisi anyqtaldy

Jambyl oblysynda bıýdjetke salyq tóleýden jaltarý faktileri boıynsha eki qylmystyq is tergeldi, dep habarlaıdy Qarjy monıtorıngi agenttiginiń baspasóz qyzmeti. 

Tirkeýleri joıylyp, sot sheshimimen mámileler jaramsyz dep tanylǵan senimsiz ónim berýshilermen ózara esep aıyrysý nátıjesinde josyqsyz salyq tóleýshiler eki jaǵdaıda memleket bıýdjetine 470 mln jáne 240 mln teńge tólemegen.

Memleketke 710 mln teńgeden astam zalaldy tolyq óteý nátıjesinde qylmystyq ister aqtalmaıtyn negizder boıynsha toqtatyldy.

Salyq tóleýden jaltarý qylmystyq jaýaptylyqqa ákep soǵady jáne úsh jylǵa deıingi merzimge belgili bir laýazymdardy atqarý nemese qyzmetpen aınalysý quqyǵynan aıyra otyryp, 8 jylǵa deıingi merzimge bas bostandyǵynan aıyrý jazasy taǵaıyndalady.