Jambyl oblysynda 600 mln teńgeniń temekisi tárkilendi

TARAZ. KAZINFORM – Jambyl oblysynda shekara qyzmeti temekiniń iri partııasyn zańsyz ákelýdiń jolyn kesti, dep habarlaıdy UQK baspasóz qyzmeti.

12 qyrkúıekte UQK Shekara qyzmetiniń mamandary júk poıyzyn tekserý barysynda aktsızdik markalarsyz 890 980 qorap temeki buıymyn anyqtady.

- Aldyn ala málimet boıynsha, temekilerdi qurylys materıaldary túrinde jasyryn ákelýge jáne ilespe qujattarsyz memlekettik shekaradan ótkizýge áreket jasalǵan, dep jazdy vedomstvodan.

Tárkilengen taýardyń jalpy quny 600 mln teńgeden asady.

Qazirgi ýaqytta júk tıelgen vagon ajyratylyp, protsessýaldyq áreketter júrgizilýde.

Aıta keteıik, UQK Jambyl oblysynyń shekarasynda atys boldy degen aqparatty joqqa shyǵardy.