Jambyl oblysynda 60 mektepte sportzal, 31 mektepte ashana, 39 mektepte kitaphana joq

TARAZ. KAZINFORM – Jambyl oblysyndaǵy 60 mekteptiń sportzaly joq. Onyń ishinde 8-i jalpy orta, 14-i negizgi orta jáne 38-i bastaýysh mektep. 

Bul týraly Óńirlik kommýnıkatsııalar alańynda jýrnalıstermen ótken brıfıngide Jambyl oblysynyń bilim salasynda sapany qamtamasyz etý departamentiniń basshysy Muhıt Nysanbaev baıandady. Sport zaly joq aýdandardyń kósh basynda T. Rysqulov aýdany tur. Ondaǵy 10 mektepte sport zal qarastyrylmaǵan. 

«Sondaı-aq bastaýysh jáne negizgi orta bilim beretin 31 mekteptiń ashanasy joq. Atap aıtar bolsaq, Baızaqta – 6, Jambyl aýdanynda – 9, Merkide – 4, Moıynqumda – 1, Sarysýda – 1, Talasta – 2, T.Rysqulovta – 5, Shý aýdanynda – 2 jáne Tarazda – 1 bilim oshaǵynda ashana joq. Sonymen qatar 39 mektepte kitaphana joq. Kitaphanasyz mekteptiń qatary Jambyl aýdanynda kóp. Onda 9 mektepte kitaphana qarastyrylmaǵan. Baızaq, Jýaly, Merki, T. Rysqulov, Moıynqum, Sarysý, Talas, Shý aýdandarynda da birneshe kitaphanasyz mektep bar. Taraz qalasynyń ózinde bir mektepte kitaphana joq, – dedi Muhıt Nysanbaev. 

Eske salsaq, buǵan deıin Jambyl oblysynda jańa oqý jylynda 115 myńǵa jýyq mektep oqýshysy ystyq tamaqpen qamtylady