Jambyl oblysynda 6 jasar bala óliminen keıin bas dáriger jumysynan bosatyldy
ASTANA. KAZINFORM – Qaıǵyly oqıǵa qazan aıynda T.Rysqulov aýdanyndaǵy ortalyq aýrýhanada bolǵan edi.
Týystarynyń aıtýynsha, balaǵa dıskınezııa — qozǵalys belsendiliginiń buzylýy nemese ishki aǵzalardyń, ásirese ót shyǵarý joldary motorıkasynyń buzylýy dıagnozy qoıylǵan. Emdeý sımptomdardy jeńildetetin, biraq onyń negizgi sebebin joımaıtyn kómekshi «Kreon» preparatymen shektelgen.
Balanyń anasy da eki jyl buryn dál osy aýrýhanada qaıtys bolǵan.
– Jaǵdaı boıynsha ákimdikte jumys toby qurylyp, jospardan tys tekserý júrgizdik. Tekseriske táýelsiz sarapshylar da tartyldy. Sonymen birge, Densaýlyq saqtaý mınıstrliginiń medıtsınalyq-farmatsevtıkalyq baqylaý komıtetiniń oblystyq departamenti de tekserý júrgizdi. Nátıjesinde bas dáriger qyzmetinen bosatyldy, – dedi Jambyl oblysynyń ákimi Erbol Qarashókeev.
Osy jaǵdaıdaıdan keıin basqa da densaýlyq saqtaý mekemeleriniń basshylarymen jumys júrgizilgen jáne ákim ahýaldy baqylaýda ustaıtynyn aıtty.
Buǵan deıin E. Qarashókeev kópbalaly otbasylar men halyqtyń áleýmettik-osal toptary úshin 710 páter satyp alynatynyn aıtqan edi.