Jambyl oblysynda 6 aıda 21 orman órti tirkeldi

TARAZ. KAZINFORM – Bıylǵy jartyjyldyqta Jambyl oblysynyń memlekettik orman qory aýmaǵynda 21 orman órti oqıǵasy tirkelip, 11 585,5 gektar aýmaq órtke orandy. 

Bul týraly Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasy basshysynyń orynbasary Nartaı Egemberdıev jýrnalıstermen ótken brıfıngide baıandady. Onyń aıtýynsha, eń kóp orman órti Merki aýdanynda tirkelgen. Onda 6 aı ishinde 5 orman órti oqıǵasy bolǵan. 

«Ótken jyly materıaldyq-tehnıkalyq bazany tolyqtyrý maqsatynda 280,0 mıllıon teńge qarajat qarastyrylyp, tıisti tehnıkalar men agregattar alynǵan bolatyn. Bıyl bul maqsatqa jergilikti bıýdjetten 393,0 mıllıon teńge bólindi. Qazirgi tańda órtke qarsy tehnıkalar, patrýldik avtokólikter men agregattar satyp alý jáne órt baqylaý munaralary men naızaǵaı satyp alý boıynsha jumystar júrgizilip jatyr», - dedi Nartaı Egemberdıev.

Buǵan deıin Jambyl oblysynda transformator órtenip, 180 úı jaryqsyz qalǵanyn jazǵan edik.