Jambyl oblysynda 500-den astam júk kóligi tas jol boıynda tur

Jambyl oblysynda aýa raıynyń qolaısyz jaǵdaıyna baılanysty 500-den astam júk kóligi tas joldardyń boıynda tur, dep habarlaıdy Kazinform. 

ІІM baspasóz qyzmetiniń málimetinshe, jambyldyq polıtseıler avtojoldardaǵy jaǵdaı durystalyp, qaýip seıilgenshe azamattarǵa jan-jaqty kómek kórsetip jatyr.

Tártip saqshylary jaýraǵan jolaýshylarǵa ystyq shaı men nan taratyp, jaǵdaıdy túsindirýde. Alys jolǵa shyqqan kólikterdiń maıy qatyp, tehnıkalary isten shyǵyp, jolda buzylyp qalyp jatyr. Osyǵan baılanysty polıtsııa qyzmetkerleri júrgizýshilermen birge bolyp, jaǵdaıdy baqylaýda ustaıtyn bolady.