Jambyl oblysynda 40 jyl boıy tazartylmaǵan kanal qalpyna keltirilip jatyr

TARAZ. KAZINFORM —  Jambyl oblysynyń Talas aýdanynda «Qazsýshar» RMK-nyń jergilikti fılıaly 40 jyldan astam ýaqyt boıy tazartylmaǵan jer kanaldy qalpyna keltirý jumystaryn júrgizip jatyr. Bul týraly Sý resýrstary jáne ırrıgatsııa mınıstrligi málim etti.

Joba Oıyq aýyldyq okrýgindegi úı sharýashylyqtaryn sýmen qamtamasyz etý sapasyn arttyrýǵa baǵyttalǵan. Qazirgi tańda kanaldyń 2,5 shaqyrymy tolyq qalpyna keltirildi. Aldaǵy ýaqytta uzyndyǵy bir shaqyrym bolatyn taǵy bir ýchaskede jumystardy aıaqtaý josparlanyp otyr.

Jobany iske asyrý nátıjesinde Talas ózeninen 40-tan astam úı sharýashylyǵy sýǵa qol jetkizip, bul Jambyl oblysyndaǵy aýyl sharýashylyǵy men mal sharýashylyǵynyń damýyna oń yqpal etedi. Jergilikti turǵyndar atqarylyp jatqan jumystar úshin Sý resýrstary jáne ırrıgatsııa mınıstrligine jáne «Qazsýshardyń» Jambyl oblysyndaǵy fılıalyna alǵystaryn bildirip jatyr.

— Aýyl turǵyndary bul sýdy óz ýchaskelerin sýarýǵa paıdalanady. Kanal shamamen 40 jyl buryn qazylǵan, sodan beri qatty bitelip qalǵan edi. «Qazsýshar» fılıalynyń basshylyǵyna tehnıkany bólip, kanal tazalaý jumystaryn bastap, onyń barysyn turaqty baqylaýda ustap otyrǵany úshin alǵysymyzdy bildiremiz. Jergilikti halyq bul iske óte rıza, — dedi Talas aýdany Seıilbek aýylynyń turǵyny Medet Beteýbaev.

Aıta keteıik, Qazaqstanda 42 jańa sý qoımasy salynady.