Jambyl oblysynda 4 avtokólik qar qursaýynda qalyp qoıǵan
ASTANA. KAZINFORM — Óńirdiń qutqarýshylary qar qursaýynda qalǵan jolaýshylarǵa kómek kórsetti, dep habarlaıdy TJM baspasóz qyzmeti.
Búgin Jambyl oblysy Jýaly aýdany oblystyq mańyzy bar «B. Momyshuly — Kóltoǵan» tas jolynyń 38-shaqyrymynda qar qursaýynda qalǵan avtokólik júrgizýshileri men jolaýshylaryna kómek kórsetý maqsatynda avarııalyq-qutqarý jumystary júrgizildi.
— TJM kúshteri qar qursaýynan 4 avtokólikti shyǵaryp, kólik ishnde bolǵan 8 adamǵa, onyń ishinde 1 balaǵa kómek kórsetildi. Azamattar medıtsınalyq kómekke muqtaj bolǵan joq. Kómek kórsetilgennen keıin júrgizýshiler qozǵalystaryn jalǵastyrdy, — delingen habarlamada.
Osyǵan deıin oblys ákimdigi turǵyndarǵa úndeý joldap, asa qajet bolmaǵan jaǵdaıda alys jolǵa shyqpaı, múmkindiginshe úıde bolýdy eskertken edi.
— Oblys aýmaǵynda aýa raıy kúrt nasharlap, tabıǵat tosyn minez tanytyp tur. Aqpan — aq borannyń óz kúshine enetin aıy ekenin eskersek, bul qalypty qubylys. Osyǵan baılanysty barshańyzdy saqtyq sharalaryn qatań saqtaýǵa shaqyramyz. Asa qajet bolmaǵan jaǵdaıda alys jolǵa shyqpaı, múmkindiginshe úıde bolýdy suraımyz. Ásirese, túngi ýaqytta jáne aýa raıy qolaısyz kezeńderde jolǵa shyǵý qaýipti ekenin esten shyǵarmańyzdar, — delingen habarlamada.
Budan buryn Jambyl oblysynyń Sarysý aýdanynda tótenshe jaǵdaı jarııalanǵanyn jazǵan edik.