Jambyl oblysynda 38 uıym arnaýly áleýmettik qyzmet kórsetedi

TARAZ. KAZINFORM – Jambyl oblysynda búgingi tańda 38 arnaýly áleýmettik qyzmet kórsetetin uıym lıtsenzııaǵa ıe. Onyń ishinde 22-si – memlekettik, 16-sy – úkimettik emes uıym. Bul týraly Eńbek jáne áleýmettik qorǵaý komıtetiniń óńirdegi departamentiniń basshysy Aslan Orazbekov málimdedi.

Spıkerdiń aıtýynsha, óńirde jalpy 4 317 adam arnaýly áleýmettik qyzmet alady.

Lıtsenzııalanǵan uıymdardyń 7-eýi tolyq statsıonar, 15-i jartylaı statsıonar, 4-eýi ýaqytsha bolý ortalyǵy, al 14-i úı jaǵdaıynda qyzmet kórsetedi.

Belsendi úkimettik emes uıymdar qatarynda «Múgedektigi bar jastar qoǵamy», «Sezim múgedekter qoǵamy», «Jambyl oblysy múgedekterdi áleýmettik qorǵaý» uıymdary, sondaı-aq «Elaı-Qulan», «Amına», Jýaly múmkindigi shekteýli balalardy ońaltý jáne beıimdeý ortalyǵy qoǵamdyq birlestikteri bar.

«Oblysymyzda múmkindigi shekteýli jandarǵa arnaýly áleýmettik qyzmet kórsetýdi josparlap otyrǵan jańa uıymdar úshin eń basty talaptar – shtattyń bolýy, talapqa saı ǵımarat, qyzmet kórsetýge qajetti qural-jabdyqtar jáne tıisti medıtsınalyq lıtsenzııalardyń bolýy», – dedi Aslan Orazbekov.

Aıta keteıik, Jambyl oblysynyń 3 aýdanynda quqyqtyq tártipti kúsheıtý tapsyryldy.