Jambyl oblysynda 3,8 mln mal qystap jatyr
TARAZ. KAZINFORM – Jambyl oblysynda 2025-2026 jyldardaǵy qysqy mal qystatý naýqany jalǵasyp jatyr. Óńirde barlyǵy 3,8 mln-ǵa jýyq tórt túlik qystaqqa shyǵarylǵan.
Oblys ákimdiginiń málimetinshe, qystap jatqan maldyń negizgi bóligin - 3,2 mln qoı men eshki quraıdy.
Sondaı-aq 450,1 myń iri qara, 183,6 myń jylqy jáne 8,3 myń túıe qysqy jaıylymǵa jiberilgen.
Sýyq maýsymǵa sharýashylyqtar aldyn ala daıyndalǵan. Mal azyǵy retinde 2,2 mln tonna shóp, 92,1 myń tonna súrlem, 119,9 myń tonna pishendeme, 480,3 myń tonna saban jáne 214 myń tonna qurama jem qory jasaqtalǵan.
Jalpy 5 862 qystaq pýnkti paıdalanylýda.
Mal sharýashylyǵy salasynda eńbek etetin azamattar úshin de qajetti ınfraqurylym ázirlengen. Atap aıtqanda, 5 564 turǵyn úı jóndelip, 2 184 qora men 936 baza daıyndyqqa keltirilgen. Jaýapty qyzmetterdiń habarlaýynsha, qystatý jumystary qalypty rejımde ótip jatyr.
Mamandardyń aıtýynsha, maýsymdaǵy negizgi qaýip – aýa raıy jaǵdaıy. Qatty aıaz ben qalyń qar túsken jaǵdaıda sharýashylyqtarǵa túsetin júkteme artady. Osyǵan baılanysty jergilikti jerlerde jem-shóp qory men maldyń jaǵdaıy turaqty baqylaýda, sondaı-aq veterınarlyq-profılaktıkalyq sharalar júrgizilýde.
Aıta keteıik, Batys Qazaqstanda aýyrǵan usaq mal shyǵynǵa ushyrady.