Jambyl oblysynda 3,7 mln malǵa dıagnostıkalyq tekserý júrgizildi
TARAZ. KAZINFORM – Jambyl oblysynda epızootııalyq ahýal baqylaýda. Bul týraly oblystyq veterınarııalyq stantsııanyń basshysy Serik BerdІbaev málimdedi.
Onyń aıtýynsha, bıyl saryp jáne ózge de juqpaly aýrýlarǵa 3,7 mıllıonǵa jýyq dıagnostıkalyq tekserý júrgizilgen. Epızootııaǵa qarsy is-sharalarǵa oblystyq jáne respýblıkalyq bıýdjetterden barlyǵy 4 mıllıard teńgeden astam qarjy bólindi.
– 2025 jylǵa deıin 16,5 mıllıon profılaktıkalyq shara júrgizý josparlanyp otyr. Qazirdiń ózinde aýsyl, sibir jarasy, qarasan, pasterellez jáne basqa da qaýipti aýrýlarǵa qarsy ekpeler tolyq kólemde jasalýda, – dedi Berdybaev.
Jyl basynan beri oblysta qutyrýdyń 3, pıroplazmozdyń 2, salmonellezdiń 2, pasterellezdiń 2 jáne enterotoksemııanyń 1 oshaǵy tirkelgen. Barlyq oshaqtarda karantın engizilip, zalalsyzdandyrý sharalary tolyq kólemde júrgizilgen.
Aıta keteıik, Jambyl oblysynda ań aýlaýǵa shyqqan bala kóz jumdy.