Jambyl oblysynda 3,5 myńǵa jýyq pyshaq pen kastet tárkilendi
TARAZ. KAZINFORM — Jambyl oblysynda polıtseıler jazǵy demalys qarsańynda profılaktıkalyq reıdterdi kúsheıtti. Erekshe nazar demalys oryndardaǵy jasóspirimderge, qarapaıym janjal qaıǵyly jaǵdaımen aıaqtalýy múmkin ahýaldarǵa aýdarylyp otyr.
Jyl basynan beri Jambyl oblysy polıtsııasynyń qyzmetkerleri shamamen 3500 pyshaq, kastet jáne basqa da tyıym salynǵan zattardy tárkiledi. Mundaı derekter reıdter, profılaktıkalyq is-sharalar jáne qoǵamdyq oryndardaǵy tekserýler kezinde anyqtalyp jatyr.
Óńirlik polıtsııa departamentiniń málimetinshe, árbir tabylǵan zat adamdardyń ómiri men densaýlyǵyna tónetin qaýippen baılanysty. Bul sýyq qarýlar kóbine quqyq buzýshylyqtar men qylmystardyń quralyna aınalady — ásirese adamdar kóp jınalatyn jerlerde, túngi ýaqytta jáne turmystyq janjaldar kezinde.
Jazǵy demalys qarsańynda tártip saqshylary ata-analarǵa balalardyń bos ýaqyty men minez-qulqyn muqııat baqylaýǵa shaqyrdy. Polıtsııa ókilderi eresekter úshin jasóspirimderdiń qaıda jáne kimmen ýaqyt ótkizip júrgenin bilý mańyzdy ekenin, sondaı-aq olardyń ózimen birge pyshaq, kastet jáne basqa da qaýipti zattardy alyp júrýine jol bermeý qajettigin atap ótti.
Jambyl oblysy polıtsııa departamentinde tyıym salynǵan zattardy zańsyz saqtaý jáne alyp júrý jaýapkershilikke ákeletinin de eskertti. Olardy qoldanýǵa jasalǵan kez kelgen áreket qatań túrde toqtatylatyn bolady.
Eske salaıyq, Almatyda pnevmatıkalyq qarý men pyshaqtardy jelide satqandar anyqtaldy.
