Jambyl oblysynda 332 laýazymdy tulǵa jaýapkershilikke tartyldy
TARAZ. KAZINFORM – Jambyl oblysynda jol qaýipsizdigin qamtamasyz etý maqsatynda jyl basynan beri óńirdiń 16,5 myń shaqyrymǵa jýyq jolyna tekserý júrgizildi.
Naqtyraq aıtsaq, jyl basynan beri 2633 tekserý júrgizilip, nátıjesinde oblystyń joldarynan 12044 aqaý anyqtaldy. Tekserý nátıjeleri boıynsha jol qurylysyna jaýapty mekeme basshylaryna oryndaý úshin 2633 nusqama berildi. Berilgen nusqamalardyń negizinde joldarǵa 1297 jol belgisi, 3 baǵdarsham nysany ornatyldy, 10 myń shaqyrymnan astam jol tańbasy jańartylyp, 11 myń sharshy metrge jýyq shuńqyrlarǵa jóndeý júrgizildi.
Avtomobıl joldaryn qanaǵattanarlyqsyz jaǵdaıda ustaǵany jáne jol júrisi qaýipsizdigin qamtamasyz etpegeni úshin 332 laýazymdy tulǵa ákimshilik jaýapkershilikke tartyldy.
Jol-tehnıkalyq ınspektsııa qyzmetkerleri bergen nusqamalardy oryndamaǵany úshin QR Ákimshilik quqyq buzýshylyq týraly kodekstiń 462-baby 3-bóligi boıynsha Taraz qalasy ákimdiginiń, T.Rysqulov jáne Merki aýdandarynyń turǵyn úı-kommýnaldyq sharýashylyq jáne avtomobıl joldary bólimderiniń laýazymdy tulǵalary ákimshilik jaýapkershilikke tartyldy.
Aıta ketsek, biz buǵan deıin sońǵy 3,5 jylda jol jóndeý salasynda 65 sybaılas jemqorlyq deregi anyqtalǵanyn jazǵan bolatynbyz.
