Jambyl oblysynda 300-den astam áıel alıment tóleıdi
ASTANA. KAZINFORM — Balalardy asyraý mindettemeleri tek er adamdar úshin ǵana emes, sonymen qatar analarǵa qatysty da týyndaıdy.
Ádilet departamenti alǵash ret jeke sot oryndaýshylary balalarǵa alıment tólep jatqan áıelderdiń sanyn bólek anyqtady.
Búgingi kúni Jambyl oblysynyń mamandary qaryzy bar 307 áıelge qatysty qujattardy qarap jatyr.
Departament balalardyń ákelerimen nemese basqa zańdy qamqorshylarymen qandaı jaǵdaıǵa baılanysty qalǵanyn naqtylamady. Sondaı-a, olar áıelderdiń qaryzynyń jalpy somasyn nemese tólemder únemi jasalyp jatqan jaǵdaılardyń sanyn jarııalamady.
Aıta keteıik, Ulytaý oblysynda alıment tólemeı, býkmekerlik keńsege aqsha jumsaǵan 22 adam ustaldy.
Túrkistan oblysynda 50 boryshker alıment tólemegeni úshin ákimshilik jaýapqa tartyldy.
