Jambyl oblysynda 274,9 gektar jer memleket menshigine qaıtaryldy

ASTANA. KAZINFORM – Aýyl sharýashylyǵy mınıstrliginiń Jer resýrstaryn basqarý komıtetiniń Jambyl oblysy boıynsha jer resýrstaryn basqarý departamenti óńirdegi aýyl sharýashylyǵy taýar óndirýshileriniń birine qatysty jospardan tys tekserý júrgizdi.

Tekserý barysynda taýarly aýyl sharýashylyǵy óndirisin júrgizý úshin berilgen jalpy aýdany 1 883 gektar jer teliminiń bir bóligi maqsatqa sáıkes paıdalanylmaǵany anyqtaldy. Atap aıtqanda, jer paıdalanýshy jaıylymdyq alqaptardy jyrtyp, olardy egistik retinde paıdalanǵan. Bul jer zańnamasynyń talaptaryn buzý bolyp sanalady.

Tekserý qorytyndysy boıynsha qoldanýshyǵa anyqtalǵan zańbuzýshylyqtardy joıý týraly nusqama berildi. Alaıda belgilengen merzimde tıisti talaptar oryndalmaǵandyqtan, Jer resýrstaryn basqarý departamenti Jambyl oblysynyń mamandandyrylǵan aýdanaralyq ekonomıkalyq sotyna talap-aryz joldady. 

Sottyń sheshimimen 274,9 gektar jer ýchaskesi májbúrli túrde memlekettik menshikke qaıtaryldy.

Sot sheshimi zańdy kúshine endi.

Budan buryn Shymkentte jalpy paıdalanýǵa arnalǵan jer telimi memleket menshigine qaıtarylǵanyn jazǵan edik.