Jambyl oblysynda 2,7 myń gektar sýarmaly jerdi sýmen qamtıtyn uńǵymalar iske qosylyp jatyr
ASTANA. KAZINFORM – Jambyl oblysynda egis alqaptaryn sýarýǵa arnalǵan 46 sý alý uńǵymasyn qalpyna keltirý jumystary aıaqtalýǵa jaqyn.
Sý resýrstary jáne ırrıgatsııa mınıstri Nurjan Nurjigitov Jambyl oblysyndaǵy sý sharýashylyǵy ınfraqurylymyn damytý jobalarynyń júzege asý barysymen tanysty.
Merki aýdanynda mınıstr oblystyń sýarý kanaldary, drenaj júıeleri men gıdrotehnıkalyq qurylystaryn rekonstrýktsııalaýǵa baǵyttalǵan Eýropalyq qaıta qurý jáne damý bankimen birlesken joba aıasynda júrgizilip jatqan 46 sý alý uńǵymasyn qalpyna keltirý jumystarynyń barysyn kórdi. Qazirgi ýaqytta Oıtal aýyldyq okrýgindegi barlyq 13 uńǵyma tolyq qalpyna keltirilip, iske qosylǵan.
Al Andas batyr aýyldyq okrýginde 27 uńǵyma paıdalanýǵa berildi. Osy aıdyń sońyna deıin qalǵan 6 uńǵymaǵa synaq júrgizý josparlanyp otyr. Bul sý alý uńǵymalary shamamen 2,7 myń gektar sýarmaly jerdi sýmen qamtamasyz etetin kanaldardy qosymsha sýmen tolyqtyrýǵa arnalǵan.
Budan keıin Nurjan Nurjigitov Shý aýdanyna baryp, bıyl bastalǵan Sol jaǵalaý jáne Oń jaǵalaý magıstraldyq kanaldaryn qaıta jańǵyrtý jumystarynyń barysymen tanysty. Bul nysandardyń jalpy uzyndyǵy 88 shaqyrymnan asady. Qazirgi tańda kanaldarda jer qazý jáne tazalaý jumystary júrgizilip jatyr.
Jobany iske asyrý nátıjesinde Shý aýdanyndaǵy 18,1 myń gektar sýarmaly jerge sý jetkizý sapasy jaqsarady. Jumystar Islam damý bankimen birlesip júzege asyrylyp jatqan «Klımatqa tózimdi sý resýrstaryn damytý» jobasynyń birinshi kezeńi aıasynda júrgizilýde. Sol jaǵalaý jáne Oń jaǵalaý magıstraldyq kanaldaryn rekonstrýktsııalaý jumystaryn kelesi jyldyń sońyna deıin aıaqtaý josparlanǵan.
Shý aýdanynda mınıstr sondaı-aq K-1 kanalynda bolyp, onda júrgizilip jatqan daıyndyq jáne jer qazý jumystarymen tanysty. Bul nysandy rekonstrýktsııalaý da Islam damý bankimen birlesken joba aıasynda júzege asyrylyp jatyr.
Qordaı aýdanynda Nurjan Nurjigitov uzyndyǵy 18 shaqyrym bolatyn «Blagoveşenskıı» kanalyn rekonstrýktsııalaý jumystaryn kórdi. Nysandaǵy jumystar bekitilgen kestege sáıkes júrgizilip jatyr. Jobany jyl sońyna deıin aıaqtaý kózdelgen.
Sondaı-aq mınıstr Shý ózeni men Georgıev magıstraldyq kanalyn baılanystyratyn tolyqtyrýshy kanaldaǵy konteınerlik sorǵy stantsııasynyń jumysymen tanysty. Byltyr paıdalanýǵa berilgen bul nysan Qaınar aýylyndaǵy 3800 gektar sýarmaly jerdi sýmen qamtamasyz etedi. Stantsııanyń ótkizý qýaty — sekýndyna 1 tekshe metr sý.
— Jambyl oblysyndaǵy sýarmaly alqaptardy turaqty sýmen qamtamasyz etý jáne sý resýrstaryn tıimdi paıdalaný maqsatynda óńirde aýqymdy ınfraqurylymdyq jobalar júzege asyrylyp jatyr. Endigi mindet — barlyq jumystyń sapaly ári belgilengen merzimde oryndalýyn qamtamasyz etý. Mınıstrlik bul máseleni erekshe baqylaýda ustap otyr, — dedi Sý resýrstary jáne ırrıgatsııa mınıstri Nurjan Nurjigitov.
Aıta ketelik Jambylda 71 kanal jańartylady.
