Jambyl oblysynda 2,5 aı buryn joǵalǵan jigit Qyzylordadan tabyldy
QYZYLORDA. KAZINFORM — Qyzylorda oblysynyń polıtseıleri eki jarym aı buryn iz-túzsiz joǵalǵan jambyldyq azamatty otbasymen qaýyshtyrdy.

Qyzylorda qalasy Polıtsııa basqarmasynyń qyzmetkerleri qala ortalyǵynda toqtatqan er adamnyń jeke basyn anyqtaıtyn qujaty joq ekendigi anyqtaldy.
— Polıtsııa qyzmetkerleri azamatty turaqty mekenjaıy men qujattary joq adamdardy qabyldaý-taratý ornyna ornalastyrdy. Odan keıin dereý jaqyn týystaryn izdeýge kiristi. Tekserý barysynda atalǵan azamattyń eki jarym aı buryn Jambyl oblysy, Qordaı aýdanynda iz-túzsiz joǵalǵany belgili boldy. Bul jóninde aýdandyq polıtsııa bólimine habarlama kelip túsken. Er adam úıinen shyǵyp, qaıta oralmaǵan. Qyzylordalyq polıtseıler joǵalǵan azamattyń otbasymen qaýyshýyna jaǵdaı jasady, — dep málim etti Qyzylorda oblystyq polıtsııa departamentinen.
Eske salsaq, qyzylordalyq polıtseıler esirtki ósiretin fıtozerthana jumysyn toqtatty.