Jambyl oblysynda 200 MVt manevrli generatsııalyq 6 gaz týrbınasy ornatylady
ASTANA. KAZINFORM — Energetıka mınıstrligi manevrlik generatsııany damytý jáne eldiń energetıkalyq júıesiniń turaqtylyǵyn arttyrý úshin qajetti jańa generatsııalyq qýattardy qurý boıynsha jumysty jalǵastyryp jatyr.
Osy jumys aıasynda Jambyl oblysynda manevrlik generatsııa qondyrǵylaryn salý jobasy júzege asyrylýda. Jaqynda Qytaıdan Jambyl oblysyna qýaty 50 MVt, Qytaıda ózdiginen ázirlengen alǵashqy G50 (F-klasy) gaz týrbınasy jóneltildi.
Joba 2024 jyly «KOREM» AQ saýda alańynda ótkizilgen aýktsıondyq saýda-sattyq qorytyndysy boıynsha júzege asyrylyp jatyr.
Saýda-sattyq nátıjesinde manevrlik rejımde jumys isteıtin generatsııa qondyrǵylaryn salý boıynsha jeńimpaz retinde «GES Myrzatai» JShS anyqtaldy. Kompanııa qytaılyq Dongfang Turbine kompanııasymen jalpy qýaty 150 MVt bolatyn úsh G50 gaz týrbınasyn jetkizý týraly kelisimshart jasasty.
Sonymen qatar, joba aıasynda jalpy qýaty 60 MVt bolatyn taǵy úsh gaz týrbınasyn jetkizý josparlanyp otyr. Qosymsha jabdyqtardy eskere otyryp, jobanyń jalpy qýaty 200 MVt quraıdy. Gaz týrbınalaryn iske qosý 2027 jylǵa josparlanǵan.
Jobany iske asyrý manevrlik generatsııany damytýǵa jáne óńirdegi energııamen jabdyqtaý turaqtylyǵyn arttyrýǵa baǵyttalǵan.
Aıta ketelik Qazaqstan Qytaıdyń joǵary tehnologııaly aýyr gaz týrbınasyna ıe bolatyn alǵashqy el atanǵany týraly jazǵan edik.
