Jambyl oblysynda 200 adam qarjy pıramıdasyna aldanǵan

TARAZ. KAZINFORM — 2023 jyly Jambyl oblysynda 200 adam qarjy pıramıdasyna aldanǵanyn aıtyp shaǵym túsirgen. Uıymdastyrýshylarǵa qatysty 3 qylmystyq is tirkelgen. Nátıjesinde 45 mln teńge shyǵyn ótelgen.

Bul týraly óńirlik kommýnıkatsııalar qyzmetiniń brıfınginde Jambyl oblysy boıynsha ekonomıkalyq tergep-tekserý departamentiniń basshysy Dáýren Mamytov aıtty.

«Qarjy pıramıdalarymen kúres aıasynda Jambyl oblysynda zańsyz mazmundaǵy 1013 saıt pen akkaýnt buǵattaldy. Arnaıy mamandar bıyl óńirdegi 23 kolledj ben 80-nen astam mektepke qarjylyq pıramıdanyń qaýpi týraly dáris oqydy. Jalpy, oblysta kóleńkeli ekonomıkanyń úlesi 2022 jyly 25,2 paıyz bolsa, byltyr 2,1 paıyzǵa azaıyp, 23,1 paıyzdy qurady», — dedi ol.