Jambyl oblysynda 168 jumysshynyń zeınetaqy jarnasy men áleýmettik aýdarymdary tólenbegen
TARAZ. KAZINFORM – Bul týraly Jambyl oblystyq prokýratýrasynyń baspasóz qyzmeti málim etti.
Baspasóz qyzmetiniń málimetterine qaraǵanda, óńirde Jýaly aýdanynyń prokýratýrasy eńbek zańnamasynyń saqtalýyna taldaý júrgizdi.
Taldaý nátıjesinde «Jýaly sý» KMK-de qarjylyq shyǵyndardy negizsiz josparlaý saldarynan 168 jumysshyǵa 2026 jylǵy aqpan-mamyr aılary aralyǵynda jalpy somasy 2,6 mln teńgeden astam zeınetaqy jarnalary, sondaı-aq 3 mln teńgeden astam áleýmettik aýdarymdardyń tólenbegeni anyqtaldy.
Prokýratýranyń qadaǵalaý aktisi boıynsha zeınetaqy jarnalary men áleýmettik aýdarymdar boıynsha bereshek tolyq ótelip, kináli tulǵalar ákimshilik jaýapqa tartyldy.
-Osylaısha, Jýaly aýdanynyń prokýratýrasy jumyskerlerdiń konstıtýtsııalyq quqyqtaryn qorǵady. Bul baǵyttaǵy jumys erekshe baqylaýda,-delingen habarlamada.
Osyǵan deıin Qostanaı prokýratýrasy 13 kásipkerdiń quqyǵyn qorǵaǵan bolatyn.
